Brunu Fernandeshning X ijtimoiy tarmog'idagi akkaunti buzib kirildi

Brunu Fernandesh yana muammoga duch keldi: portugaliyalik hujumchining “X” ijtimoiy tarmog'idagi sahifasiga noma'lum shaxslar buzib kirib, akkauntni nazoratiga oldi. Shundan so'ng futbolchining kontaktlariga haqoratomuz xabarlar tarqatila boshlagan. Bu haqda euro-football.ru xabar beradi.

Portugaliyaning A Bola nashri xabar berishicha, xaker Fernandesh nomidan g'alati bayonot ham yozib qoldirgan — go'yoki u Angliya terma jamoasida... kriket bo'yicha o'ynash haqida o'ylayotgan emish.

Vaziyatga “Manchester Yunayted” ham munosabat bildirdi: klub maxsus kommyunike e'lon qilib, muxlislarni bu kabi shubhali va noodatiy postlarga ishonmaslikka chaqirdi.