De Dzerbi Manchester United bosh murabbiyligiga asosiy da’vogar

«Marsel» bosh murabbiyi Roberto De Dzerbi «Manchester United»ni qabul qilib olishi mumkin. Bu haqda euro-football.ru xabar beradi.

Jurnalist Pit O’Rurk bergan ma’lumotga ko‘ra, fransuz klubidagi mutaxassis «qizil iblislar» uchun bosh nomzod sifatida ko‘rilmoqda. Avvalroq mankunianlar «PSJ»dagi Luis Enrikeni olib kelish variantini ko‘rib chiqqan, biroq ispaniyalik murabbiyning Angliya Premer-ligasida ishlash tajribasi yo‘qligi sabab bu g‘oyadan voz kechgan. De Dzerbi esa 2022–2024 yillarda APLda «Brayton»ni boshqargan.

Eslatib o‘tamiz, Roberto De Dzerbi 2024 yilda «Marsel»ni boshqargan. Hozirda «provansliklar» uning qo‘l ostida Fransiya chempionati turnir jadvalida uchinchi pog‘onada bormoqda.