Sebastian Shimanhski endi fransuzning Renn klubida o'ynaydi

Moskvaning "Dinamo" klubida ham to'p surgan yarim himoyachi Sebastian Shimanhski faoliyatini Fransiyada davom ettiradi — u "Renn" futbolchisiga aylandi. Bu haqda euro-football.ru xabar beradi.

Transfermarkt ma'lumotiga ko'ra, avval Turkiyaning "Fenerbahche" jamoasida o'ynagan futbolchi uchun fransuz klubi 9,5 mln yevro to'lagan.

2025/2026 yilgi mavsumda Shimanhski barcha klub turnirlarida 26 ta uchrashuvda maydonga tushib, 2 ta gol urdi va yana 2 ta golli uzatmani amalga oshirdi.

26 yoshli futbolchining "Renn" bilan shartnomasi 2029 yil 30 iyungacha mo'ljallangan. Uning bozor qiymati 12 mln yevroga baholanmoqda.

Hozir Shimanhski jarohatdan tiklanmoqda: unda chov sohasida cho'zilish bor. Uning maydonga qachon qaytishi hozircha aniq emas.