Slutskiy jamoasi Osiyo Chempionlar ligasida yana yutqazdi

Leonid Slutskiy boshqaruvidagi “Shanxay Shenxua” Osiyo Chempionlar ligasida navbatdagi mag‘lubiyatni qabul qildi. Xitoy klubi umumiy bosqichning 6-turida safarda “Xirosima”ga 0:1 hisobida imkoniyatni boy berdi va yana ochkosiz qoldi. Bu haqda euro-football.ru xabar beradi.

Uchrashuv taqdirini 78-daqiqada kiritilgan gol hal qildi: mezbonlar safida himoyachi Hayato Araki aniq zarba bilan hisobni ochdi. Bu natija “Shanxay Shenxua” uchun turnirdagi ketma-ket uchinchi mag‘lubiyat bo‘ldi.

Olti turdan keyin Slutskiy jamoasi 4 ochko bilan jadvalda 11-o‘rinda bormoqda. “Xirosima” esa 11 ochko jamg‘argan holda uchinchi pog‘onaga joylashdi.