Anj-Yoann Bonni gol urdi, Inter yirik g'alaba qozondi

Italiya A seriyasining 22-turi "Inter"ning "Piza" ustidan yirik hisobdagi g'alabasi bilan boshlandi. Kristian Kivu boshqaruvidagi milanliklar raqibini 6:2 hisobida mag'lub etdi. Bu haqda euro-football.ru xabar beradi.

Uchrashuvda gol urganlardan biri Anj-Yoann Bonni bo'ldi. Hujumchi o'yindan keyingi suhbatda his-tuyg'ularini yashirmadi.

"Gol urish yoqimli, ammo g'alaba qozonish bundan ham yoqimli. Endi juda muhim uchrashuv oldidan yaxshilab dam olish kerak", — deya Bonnining so'zlarini fcinter1908.it keltirdi.

G'alaba "Inter"ning chempionat jadvalidagi yetakchiligini yanada mustahkamladi. Keyingi turda milanliklar "Kremoneze"ga qarshi maydonga tushadi.