Folarin Balogun AQShdagi JCh-2026 haqida fikr bildirdi
"Monako" hujumchisi Folarin Balogun 2026 yilgi jahon chempionati oldidan o‘z kutganlari bilan o‘rtoqlashdi. Bu haqda euro-football.ru xabar beradi.
Eslatib o‘tamiz, musobaqa AQSh, Kanada va Meksika maydonlarida o‘tkaziladi. Balogun esa aynan AQSh terma jamoasi sharafini himoya qiladi.
Futbolchi ta’kidlashicha, mundialda eng muhim omil — turnirga qanday sport formasida kelishing. Shu sabab u hozir "Monako" safida maydondagi o‘yiniga bor e’tiborini qaratib, jahon chempionatiga maksimal tayyor holatda borishni maqsad qilgan.
JCh-2026 bir qator yangiliklari bilan tarixga kiradi: ilk bor musobaqa bir vaqtning o‘zida uch mamlakatda bo‘lib o‘tadi, shuningdek, turnirda 48 ta terma jamoa ishtirok etadi.
AQSh avval faqat bir marta — 1994 yilda — mundialga mezbonlik qilgan, o‘shanda chempionlik Braziliya terma jamoasiga nasib etgan.
