Flik Chexiyadagi o‘tkazib yuborilgan gollarga izoh berdi

“Barselona” bosh murabbiyi Xans-Diter Flik matbuot anjumanida jamoa standart vaziyatlar ustida qay darajada ishlagani haqidagi savolga javob berdi. Hafta o‘rtasida kataloniyaliklar Pragada “Slaviya”ni 4:2 hisobida mag‘lub etdi, mezbonlarning har ikki goli burchak to‘pidan keyin urildi. Bu haqda euro-football.ru xabar beradi.

Flikning aytishicha, Pragidagi uchrashuv o‘ziga xos bo‘lgan: sovuq havo jamoaning o‘yinga moslashishiga vaqt talab qilgan. Murabbiy ikkinchi gol epizodini ham izohlab, unda Levandovski reaksiyaga ulgurmaganini ta’kidladi.

“Men jamoamga ishonaman: avval ham himoyada yaxshi o‘ynaganmiz. Qolaversa, “Barselona” tarixan bo‘yi baland futbolchilarga juda boy bo‘lmagan — bu vaziyatni to‘g‘ri boshqarish masalasi”, dedi Flik jurnalistlarga.

Yakshanba kuni “Barselona” o‘z maydonida “Real Ovyedo”ga qarshi o‘yin o‘tkazadi.