Brunu Fernandesh Runi qayd etgan natijani takrorladi

«Manchester Yunayted» sardori Brunu Fernandesh yana bir bor assisti bilan ajralib turdi. Yakshanba kuni portugaliyalik futbolchi safarda «Arsenal» ustidan kutilmagan g'alabaga (3:2) hissa qo'shdi: u 50-daqiqada Patrik Dorguga gol urdirib berdi. Bu haqda euro-football.ru xabar beradi.

Joriy mavsum APLda Fernandeshning golli uzatmalari soni 10 taga yetdi. Opta ma'lumotiga ko'ra, 31 yoshli yarim himoyachi Ueyn Runidan keyin ketma-ket ikki APL mavsumida ham ikki xonali assist ko'rsatkichiga chiqqan ilk «MYu» futbolchisiga aylandi.

«Manchester Yunayted» turnir jadvalida to'rtinchi o'rinda bormoqda. Jamoa keyingi yakshanba, 1-fevral kuni o'z maydonida «Fulhem»ni qabul qiladi.