David Trezege Buenos-Ayresda River Pleytga qaytdi

Turinning “Yuventus” klubi va Fransiya terma jamoasining sobiq hujumchisi David Trezege yana Argentinaga qaytdi. U avvalroq “River Pleyt” safida to‘p surib, hatto mamlakatning ikkinchi ligasida chempionlikni ham qo‘lga kiritgan edi. Bu haqda euro-football.ru xabar beradi.

Bu safar Trezege maydonga emas, klub boshqaruviga kelmoqda. “River Pleyt” uni rahbariyat ishtirokidagi taqdimot marosimi orqali jamoatchilikka tanishtirdi.

Klub Trezegening aniq lavozimini oshkor etmadi, biroq u strategik yo‘nalishdagi masalalar bilan shug‘ullanishi va “River Pleyt”ni institutsional darajada vakillik qilishi ma’lum qilindi.

Eslatib o‘tamiz, fransuz futbolchi professional faoliyatini 2015 yilda yakunlagan.