Kenan Yildiz «Napoli»ga qarshi Ronaldu natijasini takrorladi

Kenan Yildiz «Yuventus»ning «Napoli» darvozasiga urgan uch golidan biriga mualliflik qildi. Uchrashuvda Luciano Spalletti jamoasi yirik hisobda ustun keldi — 3:0. Bu haqda euro-football.ru xabar beradi.

Opta ma’lumotiga ko‘ra, 20 yoshli turk futbolchisi — g‘alaba uchun uch ochko beriladigan davrda — A Seriyaning bitta mavsumidagi «Napoli»ga qarshi har ikkala o‘yinda ham «Yuventus» safida gol urgan atigi beshinchi futbolchi bo‘ldi. Avvalroq bunday natijani Krishtianu Ronaldu (2019/20), Alessandro del Piero (2000/01), Darko Kovachevich (2000/01) va Fabrizio Ravanelli (1994/95) qayd etgan.

Joriy mavsumda Yildiz Italiya chempionatida jami 8 ta gol urdi, shuningdek, 4 bor jamoadoshlariga golli uzatma berdi.