Argentinaning qadimgi Kilmes klubi stadion uchun yordam so'radi

Argentina futbolining eng qadimiy jamoalaridan biri — 1887 yilda tashkil topgan «Kilmes» hozir murakkab davrni boshdan kechirmoqda. Klub rahbariyati stadionni qayta qurish rejasi fonida muxlislar yordamini so'radi. Bu haqda euro-football.ru xabar beradi.

Gap odatdagidek moliyaviy xayriya haqida emas. «Kilmes» ishqibozlariga stadionga kelib, bevosita jismoniy mehnat qilish — ta'mirlash va qayta jihozlash bo'yicha turli vazifalarni bajarish taklif etildi.

Janubiy yarimsharda yozning jazirama issig'iga qaramay, muxlislar bu chaqiriqqa ijobiy munosabat bildirdi va klubga ko'mak berishga tayyor ekanini ko'rsatdi.