Kante Al-Ittihaddan Al-Nasrga o‘tishi mumkin
«Al-Ittihad» yarim himoyachisi N’Golo Kante Saudiya Arabistonidagi klubini o‘zgartirishi ehtimoli bor. Bu haqda euro-football.ru xabar beradi.
«Al-Nasr»ning sobiq yuridik bo‘limi direktori Saad Al Subayi bergan ma’lumotga ko‘ra, Ar-Riyod klubi fransuz tayanch yarim himoyachisini safiga qo‘shib olishga qiziqish bildirmoqda. Manbaga ko‘ra, bitim yanvar oyi yakuniga qadar amalga oshishi mumkin.
Kante 2023 yilda «Chelsi»dan erkin agent sifatida «Al-Ittihad»ga kelib qo‘shilgandi. Uning amaldagi shartnomasi 2026 yil 30 iyungacha mo‘ljallangan. Joriy mavsumda fransuz futbolchi Saudiya klubi safida barcha turnirlarda 25 o‘yinda maydonga tushib, 2 gol urdi va 1 assist qayd etdi. Transfermarkt portali yarim himoyachining qiymatini 4,5 million yevroga baholamoqda.
