Arbeloa Realda muvaffaqiyat kalitini aytib berdi

Madridning «Real» klubi bosh murabbiyi Alvaro Arbeloa jamoa bilan ishlashdagi yondashuvi haqida fikr bildirdi. Bu haqda euro-football.ru xabar beradi.

Ispaniyalik mutaxassis 12-yanvar kuni «qaymoqranglilar» bosh murabbiyi lavozimini egalladi. U iste'foga chiqarilgan Xabi Alonsoning o'rnini bosdi. 43 yoshli Arbeloa bungacha klubning ikkinchi jamoasini boshqargan.

«Mas'uliyatni juda katta his qilyapman. Bu ish zavq berishi kerak — shundagina uni uddalash mumkin. Har qanday sohada muvaffaqiyatga boshqacha yo'l yo'q. Albatta, bu katta fidoyilik va jiddiy mehnat talab qiladi, ammo ijobiy natija aynan shunday keladi», — dedi Arbeloa matbuot anjumanida.

Arbeloa qo'l ostida «Real» hozirgacha to'rtta o'yin o'tkazib, ularning uchtasida g'alaba qozondi.