Al-Hilol muxlislari Teo Ernandesning jismoniy holatidan norozi
Fransuz himoyachisi Teo Ernandes «Milan»ni tark etib, Saudiya Arabistoniga yo‘l oldi. Biroq yangi manzilda u kutilgan darajada taassurot qoldirmayapti va bu holat «Al-Hilol» tribunalarida ham norozilik kayfiyatini kuchaytirdi. Bu haqda euro-football.ru xabar beradi.
Yaqinda futbolchi jamoasi navbatdagi mag‘lubiyatdan so‘ng ijtimoiy tarmoqlarda muxlislardan uzr so‘rashga qaror qildi. Ammo bu qadam uni qo‘llab-quvvatlash o‘rniga, aksincha, keskin munosabatlar to‘lqinini keltirib chiqardi.
Izohlarda muxlislar Teoning doimiy uzrlaridan charchaganini yozishdi, uning vazn orttirgani va avvalgidek yugurmay qo‘ygani ta’kidlandi. Shuningdek, u maydonda jon kuydirmay, shunchaki “raqamni o‘tab” yurgani Saudiya chempionatining o‘zida ham sezilayotgani qayd etildi.
