Ronaldu to‘purarlar poygasida ortda qolmoqda, ikki raqib oldinga chiqdi

Krishtianu Ronaldu uchrashuvlarni boykot qilayotgan bir paytda, uning to‘purarlar poygasidagi raqiblari gol urishda davom etmoqda. Avval portugaliyalik hujumchi «Al-Ahli» vakili Ayven Toni foydasiga yetakchilikni boy bergandi, endi esa «Al-Kadisiya»ning hujumchisi Xulian Kinones ham uni ortda qoldirdi. Ronaldu hisobida hamon 17 gol bor, Toni 19, Kinones esa 18 marta raqib darvozasini ishg‘ol qilgan. Bu haqda euro-football.ru xabar beradi.

41 yoshli forvard kelayotgan yozdayoq Saudiya Arabistonini tark etishi mumkin. Futbolchi Saudiya Arabistoni Suveren fondi «Al-Hilol»ni «Al-Nasr»dan ko‘ra ko‘proq qo‘llayotgani, shu sabab chempionatda “halol raqobat” haqida gapirish qiyinligini o‘ylamoqda.