Roberto Karlos Ronaldu faoliyatni davom ettirishi kerak dedi
Braziliya futboli afsonasi, sobiq himoyachi Roberto Karlos Saudiya Arabistoni chempionatida «Al-Nasr» safida to‘p surayotgan 41 yoshli hujumchi Krishtianu Ronaldu kelajagi haqida fikr bildirdi. Bu haqda euro-football.ru xabar beradi.
Karlosning aytishicha, Ronaldu hech qachon to‘xtamasligi kerak. «Agar u bir kun faoliyatini yakunlashga qaror qilsa, men albatta qo‘ng‘iroq qilib, fikridan qaytaraman. Bunday futbolchilar klub va milliy jamoa uchun juda katta ahamiyatga ega. U hatto bir oyog‘i bilan bo‘lsa ham o‘ynashda davom etishi kerak. Krishtianuning faoliyati endi futbolga kirib kelayotgan yoshlarni ilhomlantiradi», — dedi Karlos. Uning so‘zlarini O Jogo nashri keltirdi.
Ronaldu «Al-Nasr» bilan shartnoma bo‘yicha 2027 yilgacha bog‘langan. Xabarlarga ko‘ra, portugaliyalik futbolchi hozirgi vaziyatidan norozi va jamoaning so‘nggi uchrashuvlarida qatnashmasdan, norozilik bildirgan.
