Holann gollar kamligidan norozi ekanini tan oldi

"Manchester Siti"ning markaziy hujumchisi Erling Holann so‘nggi o‘yinlardagi natijadorligi borasida fikr bildirdi. Bu haqda euro-football.ru xabar beradi.

Norvegiyalik forvard 2026 yil boshidan beri barcha musobaqalarda 12 uchrashuvda maydonga tushib, atigi uch bor raqib darvozasini ishg‘ol qildi.

"Men yanada jam bo‘lishim, har jihatdan yaxshiroq o‘ynashim kerak — buning ustida ishlayman. Nega yaxshi natija ko‘rsata olmaganim haqida gapirishni xohlamayman. O‘ylaymanki, bunga hech qanday bahona yo‘q", — deya Holannning so‘zlarini ESPN keltirdi.

Joriy mavsumda 25 yoshli hujumchi barcha turnirlarda 36 ta o‘yinda qatnashib, 28 ta gol va 6 ta golli uzatma qayd etgan. Holannning "Manchester Siti" bilan shartnomasi 2034 yilgacha amal qiladi.