Ronaldu atrofidagi vaziyat Al-Nasrda iste’foga olib keldi

Krishtianu Ronaldu bilan bog‘liq norozilik klubi ichida jiddiy aks-sado berdi. Arriyadiyah xabariga ko‘ra, Muhammad al-Skit «Al-Nasr» direktorlar kengashi raisi lavozimidan iste’fo berdi. U qarorini shaxsiy sabablar bilan izohladi, biroq tafsilotlarni ochiqlamadi. Bu haqda euro-football.ru xabar beradi.

Avvalroq «Al-Nasr» Ronalduga yaqin bo‘lgan portugaliyaliklar — Joze Semedu va Simao Koutinyo vakolatlarini qayta tiklagani haqida ma’lumot tarqalgan edi. Ta’kidlanishicha, yulduz hujumchi klubdan ichki muammolarni bartaraf etish bo‘yicha kafolat ham olgan.

Manbalar «Al-Nasr» boshqaruvida o‘zgarishlar davom etishini ham qayd etmoqda. Jamoa hozir turnir jadvalida ikkinchi o‘rinda bormoqda.