Di Mariya Argentinada simulyatsiya ayblovlari ostida qoldi

Anxel di Mariya vatani Argentinaga qaytganidan so‘ng dastlab ijobiy taassurot qoldirdi. Biroq tez orada uning atrofida muammoli fon paydo bo‘ldi: gap maydondagi o‘yinidan ko‘ra ko‘proq raqiblar va muxlislar noroziligida. Bu haqda euro-football.ru xabar beradi.

Argentina chempionati muhokama qilinadigan forumlarda «Rosario Sentral» futbolchisi di Mariyaga nisbatan tanqidlar kuchaydi. Ayrimlar uni epizodlarni bo‘rttirib ko‘rsatishda, jarima zarbasi yoki penalti «so‘rab olish»ga urinayotganida ayblamoqda, hatto hakamlar uning bu harakatlariga kam e’tibor qaratayotganini ta’kidlashmoqda.