Djikiya Antalyaspor dagi holati haqida gapirib berdi
"Antalyaspor" himoyachisi Georgiy Djikiya Turkiyadagi faoliyati va klubdagi vaziyati borasidagi savollarga javob berdi. 32 yoshli futbolchining qisqa intervyusidan lavhani "FNL s Ilyovym" telegram-kanali e'lon qildi. Bu haqda euro-football.ru xabar beradi.
Djikiyadan klubdagi ishlari qanday ketayotgani so'ralganda, u hammasi joyida ekanini aytdi. Shuningdek, Turkiyadagi sharoitlar to'liq qoniqtirayotgani haqida ham tabassum bilan tasdiqlab o'tdi.
Eslatib o'tamiz, Djikiya o'tgan yozda "Antalyaspor" safiga qo'shilgan. Shundan beri u 13 ta uchrashuvda maydonga tushib, 2 ta gol urishga ham ulgurdi.
Hozirda "Antalyaspor" Turkiya Superligasi turnir jadvalida 14-o'rinda bormoqda. Jamoa navbatdagi o'yinini 13-fevral kuni o'z maydonida "Samsunspor"ga qarshi o'tkazadi.
