Djikya Antalyaspor'dagi holati haqida qisqa javob berdi
“Antalyaspor” himoyachisi Georgiy Djikya Turkiyadagi faoliyati yuzasidan berilgan savollarga munosabat bildirdi. 32 yoshli futbolchining so'zlari aks etgan videoni “FNL s Ilyovym” telegram-kanali tarqatdi. Bu haqda euro-football.ru xabar beradi.
Jurnalistning “Klubdagi ishlaringiz qanday?” degan savoliga Djikya “Hammasi yaxshi, rahmat”, deya javob berdi. Keyingi savolda ham u Turkiyadagi sharoitdan mamnunligini bildirib, tabassum bilan “Hammasi joyida”, dedi.
Djikya “Antalyaspor” safiga o'tgan yozda qo'shilgan. Shu vaqt ichida u 13 ta uchrashuvda maydonga tushib, 2 ta gol urishga ham ulgurdi.
Hozirda “Antalyaspor” Turkiya Superligasi turnir jadvalida 14-o'rinda bormoqda. Jamoa navbatdagi o'yinini 13 fevral kuni o'z maydonida “Samsunspor”ga qarshi o'tkazadi.
