Djikija Antalyasporidagi holati haqida qisqa izoh berdi
"Antalyaspor" himoyachisi Georgiy Djikija Turkiyadagi faoliyati borasidagi savollarga javob qaytardi. 32 yoshli futbolchining gaplari aks etgan videoni "FNL s Il'yevym" telegram-kanali tarqatdi. Bu haqda euro-football.ru xabar beradi.
Jurnalistlar Djikijidan klubdagi ishlari qanday ketayotgani va Turkiyadagi sharoitlar ko'nglidagidekmi, deb so'rashdi. Himoyachi esa "hammasi yaxshi" ekanini aytib, Turkiyada hamma narsa uni qoniqtirayotganini tabassum bilan tasdiqladi.
Djikija "Antalyaspor" safiga o'tgan yozda kelib qo'shilgandi. Shu vaqt ichida u 13 ta uchrashuvda maydonga tushib, 2 ta gol urishga ham ulgurdi.
Hozirda "Antalyaspor" Turkiya Superligasi turnir jadvalida 14-o'rinda bormoqda. Jamoa navbatdagi o'yinini 13 fevral kuni o'z maydonida "Samsunspor"ga qarshi o'tkazadi.
