Cheferin Superliga tugaganini va kelishmovchiliklarni esladi

UEFA prezidenti Aleksander Cheferin Yevropa Superligasi loyihasi amalda barbod bo‘lganini izohladi. So‘nggi kunlarda bu tashabbusdan voz kechgan eng oxirgi klublar ham — “Barselona” va “Real” bo‘ldi. Bu haqda euro-football.ru xabar beradi.

Cheferin “Real” va “Barselona”ning yana umumiy futbol oilasiga qaytganidan mamnunligini aytdi. Uning ta’kidlashicha, tortishuvlar hammani charchatgan, “Real” prezidenti bilan fikrlar to‘qnash kelgan bo‘lsa-da, tomonlar o‘zaro hurmatni yo‘qotmagan va o‘yin muhabbati doim saqlanib qolgan. Cheferin fikricha, bu vaziyatdagi yagona g‘olib — futbolning o‘zi.

Ma’lumki, Superliga g‘oyasini eng faol targ‘ib qilganlardan biri Florentino Peres edi. Dastlab 12 ta Yevropa grandi loyiha startini e’lon qilgan, biroq muxlislar noroziligi kuchaygach, 9 klub tez orada chekinib ketdi. Keyinroq “Yuventus” ham loyihani tark etdi, yaqinda esa ispan gigantlari ham ushbu tashabbusdan voz kechdi.

Shu tariqa Superliga sahifasi yopildi — “Real” ham bu borada rasmiy bayonot bilan chiqdi.