Dortmund Borussiyasi Mayntsni yirik hisobda mag'lub etdi
Germaniya Bundesligasining 22-turini Dortmundning «Borussiya»si «Maynts»ga qarshi o'yin bilan boshlab berdi. «Shmelilar» uchrashuvning ilk daqiqalaridanoq tashabbusni qo'lga olib, raqibni tezda bosim ostida qoldirdi. Bu haqda euro-football.ru xabar beradi.
10-daqiqada Yulian Ryuerson jarima maydoniga aniq uzatma berdi va Seru Girassi boshi bilan hisobni ochdi — 1:0. Oradan besh daqiqa o'tib, Ryuersonning navbatdagi uzatmasini bu safar Maksimilian Bayer golga aylantirdi — 2:0. Birinchi bo'lim yakuniga yaqin yana Ryuerson–Girassi tandemi ishladi: hujumchi dubl qayd etib, tanaffusgacha hisobni yirik ko'rinishga keltirdi — 3:0.
Ikkinchi taymda «Maynts» darvozaboni nihoyat ishga tushdi: u avval Feliks Nmechining xavfli zarbasini qaytardi, keyin esa burchak zarbasidan keyin Sheraldo Beker yo'llagan to'pga ham munosib javob berdi. Biroq 84-daqiqada Ryuersonning navbatdagi kornerri yakunda darvozadan joy oldi — Dominik Kor to'pni o'z darvozasiga kiritib qo'ydi va hisob 4:0 bo'ldi.
Ushbu g'alabadan so'ng «Borussiya» «Bavariya»dan atigi uch ochko ortda qolmoqda. «Maynts» esa turnir jadvalida pastki pog'onalarda qolishda davom etyapti.
