Jikiya Antalyasporidagi holati haqida qisqa izoh berdi
«Antalyaspor» himoyachisi Georgiy Jikiya Turkiyadagi jamoasida qanday ahvolda ekaniga doir savollarga javob qaytardi. 32 yoshli futbolchining so‘zlari aks etgan videoni «FNL s Il'yevym» telegram-kanali e’lon qildi. Bu haqda euro-football.ru xabar beradi.
— «Antalyaspor»da ishlaringiz qalay? — degan savolga Jikiya: «Hammasi yaxshi, rahmat», deya javob berdi.
— Turkiyada hammasi ko‘ngildagidekmi? — deya yana so‘rashganida, u jilmayib: «Turkiyada hammasi joyida», dedi.
Jikiya «Antalyaspor» safiga o‘tgan yozda qo‘shilgandi. Shundan beri u 13 ta uchrashuvda maydonga tushib, 2 ta gol muallifiga aylangan.
Hozir «Antalyaspor» Turkiya Superligasi turnir jadvalida 14-o‘rinda bormoqda. Jamoa navbatdagi o‘yinini 13-fevral kuni o‘z maydonida «Samsunspor»ga qarshi o‘tkazadi.
