Mark Kukurelya jarohatidan keyin qachon safga qaytishi aytildi

"Chelsi" himoyachisi Mark Kukurelya APLda "Lids"ga qarshi o‘yinda jarohat oldi. Ispaniyalik futbolchi noqulaylik sezgani sabab tanaffusda almashtirildi. Bu haqda euro-football.ru xabar beradi.

AS nashri jurnalistlari bergan ma’lumotga ko‘ra, Kukurelyaning tiklanishi taxminan uch-to‘rt hafta vaqt oladi. Shunday bo‘lsa, himoyachi mart o‘rtalariga borib to‘liq safga qaytadi va 27 mart kuni bo‘ladigan Argentina bilan Finallisima bahsida Ispaniya terma jamoasiga yordam bera oladi.

2025/2026 yilgi mavsumda Mark Kukurelya "Chelsi" safida 35 uchrashuvda maydonga tushdi. Bu o‘yinlarda u 1 gol urib, jamoadoshlariga 3 ta golli uzatma berdi.