Elagin Ronaldu boykotdan keyin maydonga shiddat bilan qaytdi

Saudiya Arabistoni chempionatining 22-turi doirasidagi safar uchrashuvida «Al-Nasr» «Al-Fateh»ni 2:0 hisobida mag'lub etdi. Gollardan birini 41 yoshli hujumchi Krishtianu Ronaldu urdi — u maydonga boykotdan so'ng qaytdi. Bu haqda euro-football.ru xabar beradi.

Uchrashuvdan keyin futbol sharhlovchisi Aleksandr Elagin portugaliyalik yulduzning o'yini haqida fikr bildirdi.

«Buyuk futbolchi ish tashlashdan keyin qaytdi va gol urdi. Shunchaki gol urib qo'ymadi, himoyada ham ishladi — bir necha bor darvozaxonadan to'pni tepib yubordi. Yigitlardek yuguryapti. Ham qoyil qolyapman, ham havas qilayapman», — deb yozdi Elagin ijtimoiy tarmoqlarda.

Joriy mavsumda Saudiya Arabistoni chempionatida Ronaldu 19 o'yinda 18 ta gol muallifi bo'ldi.