Yelagin Ronaldu boykotdan qaytib yana gol urdi

Saudiya Arabistoni chempionatining 22-turida «Al-Nasr» safarda «Al-Fateh»ni 2:0 hisobida maglub etdi. Uchrashuvdagi gollardan biriga 41 yoshli markaziy hujumchi Krishtianu Ronaldu mualliflik qildi — u boykotdan keyin maydonga qaytib, darhol o'z so'zini ayta oldi. Bu haqda euro-football.ru xabar beradi.

O'yinni sharhlagan futbol kommentatori Aleksandr Yelagin portugaliyalik yulduzning harakatlaridan hayratda qolganini aytdi. Uning ta'kidlashicha, Ronaldu nafaqat gol urdi, balki himoyada ham faol ishladi: jarima maydoni ichida bir necha bor to'pni uzoqlashtirib, jamoasiga yordam berdi.

«Buyuk futbolchi boykotdan keyin qaytdi va gol urdi. Eng qizig'i, himoyada ham jonbozlik ko'rsatdi — darvozabon maydonidan to'pni bir necha marta tepib chiqardi. Yigitlardek yuguradi! Ham qoyil qolaman, ham havas qilaman», — deb yozdi Yelagin ijtimoiy tarmoqlarda.

Joriy mavsumda Saudiya Arabistoni chempionatida Ronaldu 19 uchrashuvda 18 ta gol urdi.