Ronaldu qaytdi va darhol gol urib, fikr bildirdi

“Al-Nasr” hujumchisi Krishtianu Ronaldu maydonga qaytganini gol bilan nishonladi. Bu haqda euro-football.ru xabar beradi.

Portugaliyalik yulduz Saudiya Arabistoni chempionatidagi avvalgi ikki uchrashuvda qatnashmagandi, biroq qaytishi bilan darhol o'z so'zini aytdi: u “Al-Fateh” darvozasini 18-daqiqada ishg'ol qildi. O'yin “Al-Nasr”ning 2:0 hisobidagi g'alabasi bilan yakunlandi.

Uchrashuvdan so'ng 41 yoshli futbolchi ijtimoiy tarmoqlardagi postida: “Yana bir qadam oldinga. Shu ruhda davom etish kerak”, — deb yozdi.

Ar-Riyod klubi Saudiya ligasi turnir jadvalida ikkinchi o'rinda bormoqda va peshqadam “Al-Hilol”dan atigi bir ochko ortda qolmoqda.