Yelagin Ronaldu boykotdan so'ng qaytdi va gol urdi

Saudiya Arabistoni chempionatining 22-turida «Al-Nasr» safarda «Al-Fateh»ni 2:0 hisobida mag'lub etdi. Uchrashuvdagi gollardan biriga 41 yoshli hujumchi Krishtianu Ronaldu mualliflik qildi — u maydonga boykotdan keyin qaytgandi. Bu haqda euro-football.ru xabar beradi.

Futbol sharhlovchisi Aleksandr Yelagin portugaliyalik yulduzning bu o'yindagi harakatlarini alohida ta'kidladi.

«Buyuk futbolchi boykotdan keyin qaytdi va gol urdi! Faqat gol bilan cheklanmay, himoyada ham ishladi — bir necha bor jarima maydonchasidan to'pni uzoqlashtirdi. Go'yo yosh boladek yuguradi! Ham qoyil qolaman, ham havas qilaman», — deb yozdi Yelagin ijtimoiy tarmoqlarda.

Joriy mavsumda Ronaldu Saudiya Arabistoni chempionatida 19 ta uchrashuvda 18 ta gol urdi.