Bulykin Safonov va Xaykinning kuchli tomonlarini taqqosladi

Rossiya terma jamoasining sobiq hujumchisi Dmitriy Bulykin darvozabonlar Nikita Xaykin va Matvey Safonov haqida fikr bildirdi. Ikki rossiyalik posbon hozirda mos ravishda Norvegiyaning «Bude-Glimt» va Fransiyaning «PSJ» klublarida to'p surmoqda. Bu haqda euro-football.ru xabar beradi.

Bulykinning ta'kidlashicha, jismoniy ko'rsatkichlar nuqtayi nazaridan Safonovning ustun tomoni bor. Biroq Xaykin yuqori darajada o'zini allaqachon isbotlagani, jamoani bir necha bor qutqarib qolgani va «Bude-Glimt» bilan sezilarli natijalarga erishgani bilan ajralib turadi.

Chempionlar Ligasi pley-offida «Monako» «PSJ»ga, «Bude-Glimt» esa Milaning «Inter» jamoasiga qarshi maydonga tushadi. Uchrashuvlar 17 va 18 fevral kunlari bo'lib o'tadi.