Echeverri Gironada o'zini yana baxtli his qilmoqda
Argentinalik yarim himoyachi Klaudio Echeverri “Manchester Siti”da o'z o'rnini topa olmadi va avvaliga ijaraga Germaniyaga yo'l oldi. Biroq u yerdagi muhit futbolchiga mos kelmadi, natijada Echeverri mavsumni “Girona” safida davom ettirishga qaror qildi. Bu haqda euro-football.ru xabar beradi.
Futbolchining aytishicha, Germaniyada u o'zini juda tushkun his qilgan, Ispaniyada esa maydonga zavq bilan chiqmoqda. “Bu yerda men rohatlanaman va futbol o'ynashdan huzur olaman”, — deya Echeverrining so'zlarini derbyderbyderby.it keltirdi.
Eslatib o'tamiz, “Girona” kecha La Ligada “Barselona”ni 2:1 hisobida mag'lub etdi. Hozir kataloniyaliklar Ispaniya chempionati turnir jadvalida 12-o'rinda bormoqda. Keyingi turda “Girona” safarda “Alaves”ga qarshi o'ynaydi, uchrashuv 23-fevral, dushanba kuni bo'lib o'tadi.
