Esposito Inter safida Chempionlar Ligasi pley-offida tarixga kirdi

Chempionlar Ligasi pley-offining ilk uchrashuvida Milan "Inter"i Norvegiyada "Bude-Glimt"ga 1:3 hisobida imkoniyatni boy berdi. Italiyaliklar safidagi yagona golni 30-daqiqada Franchesko Pio Esposito urdi. Bu haqda euro-football.ru xabar beradi.

Hozirda 20 yosh 235 kunlik bo'lgan Esposito "Inter" tarixida Yevropaning eng nufuzli klub turniri pley-offida gol urgan ikkinchi eng yosh futbolchiga aylandi. Bu ko'rsatkich bo'yicha undan faqat Obafemi Martins yoshroq paytda gol muallifi bo'lgan.

Javob bahsi bir haftadan keyin Milanda bo'lib o'tadi. "Inter" so'nggi uch yil ichida Chempionlar Ligasida ikki marta finalga chiqishga ham erishgan.