Chempionlar ligasida «Inter»ni maydon sifati g'azablantirdi

Chempionlar ligasi pley-off bosqichi ilk uchrashuvida «Budo-Glimt» o'z maydonida «Inter»ni 3:1 hisobida mag'lub etdi. La Gazzetta dello Sport xabariga ko'ra, milanliklar o'yin standartlariga javob bermaydigan maydonda o'ynashga majbur bo'lgani uchun norozi. Bu haqda euro-football.ru xabar beradi.

Ma'lumki, «Budo-Glimt» sun'iy qoplamali stadionda o'ynaydi. Uchrashuvdan oldin «Inter» norasmiy tarzda UEFAga murojaat qilib, maydon holati futbolchilar xavfsizligiga ta'sir qilishi mumkinligidan xavotir bildirgan. Bahsdan keyin esa «neradzurrilar»ning jahli yanada chiqdi — Lautaro Martines jarohat oldi.

Javob o'yini seshanba, 24 fevral kuni «Inter» maydonida bo'lib o'tadi.