Martines Ronaldu terma jamoada doim qolishini istaydi

Portugaliya terma jamoasi bosh murabbiyi Roberto Martines hujumchi Krishtianu Ronaldu o'z ishiga qanday yondashishi haqida fikr bildirdi. Bu haqda euro-football.ru xabar beradi.

Mutaxassisning aytishicha, yosh futbolchilarga yordam berishning eng oson yo'li — Ronaldu terma jamoada imkon qadar uzoq qolishi. Martines Ronaldu har tongni o'z ustida ishlash va rivojlanishga bag'ishlaydigan, har bir kunni yanada kuchliroq bo'lish uchun sarflaydigan futbolchi ekanini ta'kidladi.

Portugaliya terma jamoasi yozda jahon chempionatida ishtirok etadi.