Raneri Italiya futboli inqirozining asosiy sabablarini aytdi
“Lester” bilan Angliya chempionligini qo‘lga kiritgan tajribali murabbiy Klaudio Raneri Italiya futbolini ortga tortayotgan omillar haqida gapirdi. So‘nggi yillarda A Seriya darajasi Yevropada eng yaxshisi bo‘lmasa, kamida uchinchi o‘ringa tushib qolgani tilga olinmoqda, ayrimlar esa uni top-5 ligalar ichida eng susti deb baholaydi. Bu haqda euro-football.ru xabar beradi.
Raneri fikricha, muammo ikki yo‘nalishda: moliyaviy resurslar yetishmasligi va tizimli “avlodlar almashinuvi”ning yo‘qligi. “Angliya, Germaniya, Fransiya singari bizda ham katta, buyuk futbolchilar bo‘lgan. Hozir esa ular ko‘rinmayapti, bu terma jamoa natijalarida ham yaqqol seziladi”, — deya Ranerining so‘zlarini pianetamilan.it keltirdi.
Eslatib o‘tamiz, Italiya terma jamoasi ketma-ket ikki bor Jahon chempionatini o‘tkazib yuborgan.
