Noyer Borussia Dortmundga qarshi maydonga tushib qolishi mumkin
Fevral o‘rtalarida “Bavariya”ning tajribali darvozaboni Manuel Noyer jarohat oldi. Dastlab u taxminan uch hafta safdan chiqishi aytilgandi, biroq tiklanish jarayoni kutilganidan tezroq kechayotgani mumkin. Bu haqda euro-football.ru xabar beradi.
Bild xabariga ko‘ra, dushanba kuni Noyer maydonda darvozabonlar murabbiyi va reabilitatsiya bo‘yicha mutaxassis bilan birga mashg‘ulot o‘tkazdi. Hozircha u murakkab mashqlarni bajarmadi, ammo to‘p bilan ishlagani ijobiy siljish borligini ko‘rsatadi.
Germaniyada Noyer Dortmundning “Borussiya”siga qarshi uchrashuvdayoq kutilmagan tarzda safga qaytishi mumkinligi haqida gap-so‘zlar yuribdi. Jamoalar shanba kuni, 28-fevralda to‘qnash keladi.
“Bavariya” Bundesligada peshqadam, ikkinchi o‘rindagi “Borussiya” esa undan sakkiz ochko ortda bormoqda.
