Filimonov Safonovning PSJdagi muvaffaqiyatlarini izohladi
Rossiya terma jamoasining sobiq futbolchisi Aleksandr Filimonov PSJ safida to'p tepayotgan darvozabon Matvey Safonovning o'yinlari haqida fikr bildirdi. Bu haqda euro-football.ru xabar beradi.
Filimonovning aytishicha, Safonov ketma-ket to'rtta penaltini qaytargani haqida eshitgan. U buni "performans" deb atash to'g'ri emasligini ta'kidladi: "Performansni muxlislar qiladi, bu esa Safonovning mahorati", — deya sobiq darvozabonning so'zlarini "Chempionat" nashri keltirdi.
Safonov PSJda tobora asosiy darvozabon maqomini mustahkamlab bormoqda. U joriy mavsumda Yevropa Chempionlar ligasida parijliklar safida 3 ta o'yin o'tkazib, 3 ta gol o‘tkazdi va bitta uchrashuvda darvozasini daxlsiz saqlab qoldi.
Shuningdek, darvozabon Fransiya Liga 1 musobaqasida 6 ta bahsda maydonga tushdi: 6 ta gol o‘tkazdi, 3 ta uchrashuvda esa "nol"ga o‘ynadi.
