Buffon Inter hujumchisi Espozito haqida yuqori baho berdi

Italiya terma jamoasining sobiq darvozaboni Janluiji Buffon “Inter”ning yosh hujumchisi Franchesko Pio Espozito haqida fikr bildirdi. Bu haqda euro-football.ru xabar beradi.

Buffonning ta’kidlashicha, Espozito muxlislar va mutaxassislar kutganidan ham ortiq natija ko‘rsatishi mumkin. Uning so‘zlariga ko‘ra, agar o‘zi “Inter”da bo‘lganida, tavakkal qilib aynan shu futbolchiga ishonch bildirgan bo‘lardi: Espozito — o‘ziga xos, professionalligi va kamtarligi bilan ajralib turadigan yigit.

Espozito “Inter” akademiyasi tarbiyalanuvchisi sanaladi. Joriy mavsumda 20 yoshli forvard barcha musobaqalar doirasida 35 o‘yinda maydonga tushib, 7 ta gol urdi va 6 ta golli uzatmani amalga oshirdi.

Hujumchining “Inter” bilan amaldagi shartnomasi 2030 yilning o‘rtalarigacha mo‘ljallangan.