Dani Olmo Barselonadagi eng kam baholangan futbolchini aytdi

«Barselona» yarimhimoyachisi Dani Olmo jamoadoshlari orasida kimni eng kam baholanishini aytib o‘tdi. Bu haqda euro-football.ru xabar beradi.

27 yoshli futbolchi bu borada himoyachi Erik Garsiyani tilga oldi. Olmoning fikricha, Garsiya joriy mavsumda bosh murabbiy Hans-Diter Flik uchun muhim figuraga aylangan.

«Erik — tarkibimizdagi eng kam baholangan o‘yinchi. Hozir uni avvalgidan ko‘proq qadrlashmoqda, ammo men baribir uni aytaman», — deya Olmoning so‘zlarini keltiradi Barca Universal.

Ma’lumot uchun, Garsiya bu mavsum «ko‘k-anorranglilar» safida 39 uchrashuvda maydonga tushib, 1 gol va 2 assist qayd etgan. Dekabr oyida esa ko‘p qirrali markaziy himoyachi klub bilan shartnomasini 2031 yilgacha uzaytirgandi.