Ronaldu gol urgan o'yindan so'ng ikki so'z yozdi

Saudiya Arabistoni Pro-ligasida «Al-Nasr» «Al-Namdja»ni yirik — 5:0 hisobida mag'lub etib, turnir jadvalida peshqadamlikni qo'lga oldi. Uchrashuvdagi hisobni Krishtianu Ronaldu ochdi: portugaliyalik 7-daqiqada penaltini aniq ijro etdi. Bu haqda euro-football.ru xabar beradi.

O'yin tugaganidan ko'p o'tmay 41 yoshli hujumchi ijtimoiy tarmoqlarda post qoldirdi. Ronaldu bir nechta suratlarni joylab, qisqa izoh bilan cheklangan.

«Shunday davom eting!» — deb yozdi Ronaldu.

Endilikda Krishtianu Ronalduning faoliyatidagi jami gollari 965 taga yetdi. 1000 gollik marraga yana bir qadam yaqinlashdi.

Eslatib o'tamiz, Ronaldu o'tgan yili «Al-Nasr» bilan shartnomasini uzaytirgandi — kelishuv 2027 yilning o'rtalarigacha mo'ljallangan.