Komoning hujumchisi Adday mavsum oxirigacha safdan chiqdi

Avvalroq xabar berganimizdek, «Komo» yetakchi hujumchilaridan biri Jeyden Addaysiz qoldi — u Turin «Yuventus»iga qarshi o‘yinda maydonga tusha olmadi. Shunga qaramay, Sesk Fabregas shogirdlari grand ustidan ishonchli g‘alaba qozonib, raqib darvozasiga javobsiz ikki gol urdi. Bu haqda euro-football.ru xabar beradi.

Endi esa Adday bu mavsumda umuman o‘ynay olmasligi ma’lum bo‘ldi. Axill payi jarohati sabab u mavsum oxirigacha safdan chiqdi. Joriy chempionatda hujumchi 12 uchrashuvda 3 bor raqib darvozasini ishg‘ol etishga ulgurgandi.

Italiya chempionatining keyingi turida «Komo» o‘z maydonida «Lechche»ni qabul qiladi.