Erik Garsiya chempionlik o'z qo'limizda ekanini aytdi

“Barselona” himoyachisi Erik Garsiya La Ligadagi chempionlik poygasi haqida fikr bildirdi. Bu haqda euro-football.ru xabar beradi.

Garsiya jamoa natija uchun to'liq mas'ul ekanini ta'kidlab, chempion bo'lish-bo'lmaslik o'zlariga bog'liqligini aytdi. Uning so'zlariga ko'ra, “Real Sosyedad”ga qarshi bahsda “Barselona” yutqazmasligi kerak edi, chunki g'alaba uchun yetarli ish qilgan.

Shuningdek, u “Jirona” bilan o'yinda hakamlikdagi xato bo'lganini eslatdi, biroq jamoa baribir o'zidan kutilgan darajadagi o'yinni ko'rsata olmaganini tan oldi. Himoyachi jamoa hozir tayyor ekanini, oldinda qiyin safar uchrashuvlari turgan bo'lsa-da, ularni uddalash uchun barcha imkoniyat borligini bildirdi.

25-turdan so'ng “Barselona” 61 ochko bilan Ispaniya chempionati jadvalida peshqadam. Ikkinchi o'rindagi “Real”dan ustunlik esa atigi bir ochkoni tashkil etadi.