Aleksey Berezutskiy Golovin RPLga qaytmaydi deb hisoblaydi

Rossiya terma jamoasi va Moskvaning CSKA klubi sobiq himoyachisi Aleksey Berezutskiy «Monako» yarim himoyachisi Aleksandr Golovin Rossiya Premyer-ligasiga qaytishni istamayotganini aytdi. Bu haqda euro-football.ru xabar beradi.

Berezutskiy fikricha, Golovinning Yevropadagi faoliyatidan so‘ng CSKA safiga qaytishi ajoyib voqea bo‘lardi, biroq futbolchining o‘zi bunday qarorga kelishiga u ishonmaydi. Bu haqda u Legalbetga bergan izohida ta’kidladi.

Golovin 2018 yil yozidan beri «Monako» sharafini himoya qilib keladi. Rossiyalik futbolchining fransuz klubi bilan amaldagi shartnomasi 2029 yil iyun oxirigacha mo‘ljallangan.

Joriy mavsumda Liga 1 doirasida Aleksandr 16 uchrashuvda maydonga tushib, 2 ta gol urdi va 4 ta golli uzatma amalga oshirdi.