Yuventus Ueston Makkennining shartnomasini tez orada uzaytiradi

«Yuventus» yarim himoyachisi Ueston Makkenni yaqin kunlarda klub bilan yangi bitimga qo‘l qo‘yishi kutilmoqda. Bu haqda euro-football.ru xabar beradi.

Insayder Fabritsio Romano xabariga ko‘ra, 27 yoshli futbolchi «qari sinyora» bilan to‘rt yillik shartnomaga rozi. Universal xavbekning maoshi mavsumiga taxminan 4 mln yevro miqdorida «sof» bo‘ladi. Makkenni bilan A Seriyaning boshqa jamoalari ham, xorij klublari ham qiziqqan, biroq «Yuventus» rahbariyati uni Turinda qolishga ko‘ndira olgan.

Makkennining amaldagi shartnomasi kelasi yozda yakuniga yetadi. U joriy mavsumda 37 o‘yinda 8 ta gol va 7 ta golli uzatma muallifi bo‘ldi.