Kudryashov Djikiya tezroq asosiy tarkibga qaytishini istadi
Rossiya terma jamoasining sobiq futbolchisi Fyodor Kudryashov Georgiy Djikiyaning Turkiyadagi o‘yinlari haqida fikr bildirdi. Bu haqda euro-football.ru xabar beradi.
Mutaxassis «Antalyaspor» markaziy himoyachisi atrofidagi vaziyatni muntazam kuzatib borishini aytdi. Eslatib o‘tamiz, 32 yoshli futbolchi so‘nggi paytlarda kam maydonga tushmoqda — uning agenti so‘zlariga ko‘ra, jamoa bosh murabbiyi Djikiyani hozircha optimal formada emas deb hisoblayapti.
«U o‘ynadimi-yo‘qmi, baribir kuzataman. Eng muhimi, uning tezroq asosiy tarkibga qaytishini juda xohlayman. U bilan bog‘landimmi? Faqat klubga o‘tgani paytida gaplashganmiz, keyin esa yo‘q», — deya Kudryashovning so‘zlarini keltiradi Metaratings.ru.
Djikiya «Antalyaspor» safida 2025 yil yozidan beri to‘p surmoqda. Joriy mavsumda «Spartak»ning sobiq himoyachisi 13 uchrashuvda qatnashib, ikki gol muallifiga aylangan.
