Yuventus Manuel Lokatelli bilan shartnomani uzaytirmoqchi

Turinlik “Yuventus” yarim himoyachi Manuel Lokatelli bilan yangi bitim bo‘yicha kelishuvga erishishni ko‘zlamoqda. Kapitanning amaldagi shartnomasi 2028 yilgacha kuchda bo‘lsa-da, klub rahbariyati futbolchining o‘yinidan mamnun va uni uzoq muddatli loyihaning asosiy figurasidan biri deb bilmoqda. Bu haqda euro-football.ru xabar beradi.

Il Giornale xabariga ko‘ra, tomonlar yaqin haftalarda muzokaralarni boshlaydi. “Qari sinyora”ning maqsadi — Lokatelli bilan shartnomani 2030 yilgacha uzaytirish.

Lokatelli 2021 yildan beri “byankoneri” safida to‘p suradi. Joriy mavsumda 28 yoshli futbolchi barcha musobaqalarda 36 uchrashuvda maydonga tushib, 3 ta gol va 1 ta assist qayd etdi.