Luis Enrike PSJning Chelsi bilan bahsini baholadi
«Pari Sen-Jermen» bosh murabbiyi Luis Enrike Chempionlar ligasi 1/8 finaliga qur’a tashlash natijalariga munosabat bildirdi. Bu haqda euro-football.ru xabar beradi.
Parijliklarning navbatdagi raqibi «Chelsi» bo‘ldi. Jamoalar oxirgi bor iyul oyida Klub jahon chempionati finalida to‘qnash kelgan, o‘shanda londonliklar fransuz grandini yirik hisobda mag‘lub etgandi — 3:0.
«Hech qanday revansh kayfiyati yo‘q. Ammo ingliz jamoalariga qarshi o‘yinlar har doim juda kuchli motivatsiya beradi. Klub jahon chempionatidan beri ko‘p narsa o‘zgardi — hozir vaziyat butunlay boshqa», — deya Luis Enrikening so‘zlarini keltiradi Topskills Sports UK.
PSJning uy uchrashuvi 11 mart kuni o‘tkazilishi rejalashtirilgan. Javob bahsi esa 17 mart kuni Angliya poytaxti Londonda bo‘lib o‘tadi.
