MLS mavsum oʻrtasi: Inter Miami yetakchi, Atlanta United esa inqirozda
Lionel Messi va uning jamoasi hamon asosiy favoritlar boʻlib qolmoqda, biroq Nashville SC, San Jose Earthquakes va Vancouver Whitecaps jamoalarining kuchli starti ligadagi raqobatni yanada qizitdi. MLS taqvimidagi tanaffus futbolchilarning jismoniy holatini tiklash uchun ayni muddao boʻldi. Jahon chempionati sababli yuzaga kelgan olti haftalik tanaffus jamoalarga oʻz oʻyinlarini qayta tahlil qilish imkonini beradi. Bu haqda Goal.com xabar beradi.
Mavsumning 34 ta oʻyinidan 15 tasi ortda qoldi. Yozgi transfer oynasi yaqinlashayotgan bir paytda, baʼzi natijalar bashorat qilingandek boʻlsa, baʼzilari hayratlanarli kechmoqda. Inter Miami kutilganidek peshqadamlik qilmoqda, Nashville SC esa barqaror oʻyin koʻrsatmoqda. Seattle Sounders esa pley-off yoʻllanmasi uchun asosiy daʼvogarlardan biri boʻlib qolmoqda.
San Jose Earthquakes jamoasi joriy mavsumning haqiqiy kashfiyotiga aylandi. Chicago Fire ham chiroyli futbol namoyish etayotgan boʻlsa, LAFC jamoasi hali ham oʻzining eng yaxshi formasini qidirmoqda. Biroq, hamma jamoalarda ham ishlar koʻngildagidek emas. Masalan, Philadelphia Union tarkibga investitsiya kiritilmagani sababli qiyinchiliklarga duch kelmoqda.
Atlanta United lagerida ham vaziyat murakkab. Jamoa murabbiyi Tata Martino agar avvalgi yutuqlari boʻlmaganida, allaqachon ishdan boʻshatilgan boʻlishi mumkinligini tan oldi. Sporting Kansas City esa tarkibdagi sifat darajasi pastligi sababli turnir jadvalining quyi pogʻonalarida qolib ketmoqda. MLS jamoalari uchun yozgi tanaffus kuch yigʻib olish uchun soʻnggi imkoniyatdir.
