Iker Kasilyas: Krishtianu Ronaldu bilan munosabatimiz yomon bo‘lgan? Bekor gap

«Portu» darvozaboni Iker Kasilyas «Real»da o‘ynagan vaqtlarda Krishtianu Ronaldu bilan kelisha olmagani haqidagi xabarlarni inkor etdi.

«Krishtianu Ronaldu har doim odamlarning diqqat markazida turadi.

Uning o‘ziga yarasha ishtiyoqi va tabiati bor. Ammo u hech qachon hech kimga yomonlik qilmaydi. Biz olti yil davomida bir klub safida o‘ynadik va har doim juda yaxshi munosabatda bo‘lganmiz. Muammolar paydo bo‘lgan taqdirda esa, ular darhol hal qilinar edi», - deydi Kasilyas.